రైతులకు గుడ్‌న్యూస్‌.. 12 జిల్లాల్లో ఏఐ భూసార పరీక్ష ల్యాబ్‌లు, పంట మార్పులకు ఏఐ సాయం

తెలంగాణలో రైతులకు భూసార పరీక్షలను మరింత చేరువ చేసేందుకు 12 జిల్లాల్లో ఏఐ ఆధారిత డిజిటల్‌ సాయిల్‌ టెస్టింగ్‌ ల్యాబ్‌లను ఏర్పాటు చేయాలని ఆచార్య జయశంకర్‌ రాష్ట్ర వ్యవసాయ విశ్వవిద్యాలయం నిర్ణయించింది. ఇఫ్కో ఆర్థిక సహకారంతో రైతు విజ్ఞాన కేంద్రాల్లో ఈ ప్రయోగశాలలను ఏర్పాటు చేయనున్నారు. ఒక్కో ల్యాబ్‌కు రూ.3.50 లక్షలు ఖర్చు చేయనున్నారు. ప్రతి కేంద్రం నెలకు 2 వేల నమూనాలను పరీక్షించే సామర్థ్యంతో ఉంటుంది. దీంతో రాష్ట్రంలో నెలకు అదనంగా 24 వేల నమూనాల పరీక్ష సామర్థ్యం అందుబాటులోకి రానుంది.