మంచిర్యాల జిల్లాలో లారీ-ఆటో ఢీ.. ముగ్గురు యువతులు మృతి, మరో ముగ్గురి పరిస్థితి విషమం.. మంత్రి ఆర్థిక సాయం

మంచిర్యాల జిల్లాలో జరిగిన ఘోర రోడ్డు ప్రమాదంలో ముగ్గురు యువతులు దుర్మరణం పాలయ్యారు. మరో ముగ్గురు తీవ్రంగా గాయపడగా వారి పరిస్థితి విషమంగా ఉంది. నస్పూర్ గేట్ సమీపంలోని నేషనల్ హైవేపై లారీ, ఆటో ఢీకొనడంతో ఈ ప్రమాదం చోటు చేసుకుంది. షాపింగ్ మాల్‌లో పనిచేసేందుకు ఆ యువతులు ఆటోలో వెళ్తుండగా ఈ ప్రమాదం జరిగింది. ఈ ఘటనపై తీవ్రంగా స్పందించిన మంత్రి వివేక్ వెంకటస్వామి.. మృతుల కుటుంబాలకు, క్షతగాత్రులకు వ్యక్తిగతంగా ఆర్థిక సాయం ప్రకటించారు.