ఫ్యామిలీతో కలిసి విదేశాలకు సీఎం చంద్రబాబు.. పూర్తి ప్రైవేట్ టూర్, వివరాలు గోప్యం

ఏపీ సీఎం చంద్రబాబునాయుడు ఫ్యామిలీతో కలసి విదేశీ పర్యటనకు వెళ్తున్నారు. ఈ నెల 25వ తేదీ నుంచి ప్రారంభమయ్యే ఈ టూర్ ఈ నెల 28 వరకు కొనసాగనుంది. ఇది పూర్తిగా ప్రైవేట్ టూర్ కావడంతో ఆయన ఏ దేశానికి వెళ్తున్నారు, ఎక్కడ బస చేయనున్నారు అనే వివరాలను అధికారులు అత్యంత గోప్యంగా ఉంచారు. కేవలం వ్యక్తిగత సిబ్బంది పర్యవేక్షణలోనే ప్రయాణ ఏర్పాట్లు పూర్తైనట్టు సమాచారం. కాగా సీఎం చంద్రబాబునాయుడు విదేశీ పర్యటన ముగించుకుని ఏపీకి వచ్చిన తర్వాత అంటే 29 నుంచి అక్టోబరు 3 వరకు ఐదు రోజుల పాటు వరుస కార్యక్రమాలు, జిల్లాల పర్యటనలతో బిజీగా ఉండనున్నారు.