నా భర్త పేరుతో ఎలాంటి కొత్త పార్టీకి అనుమతించొద్దు.. ఈసీని ఆశ్రయించిన మాజీ సీఎం భార్య

సుదీర్ఘకాలంపాటు హిమాచల్ ప్రదేశ్ ముఖ్యమంత్రిగా కొనసాగిన దివంగత వీరభద్ర సింగ్ వారసత్వంపై రాజకీయ పోరు నెలకుంది. ఆయన పేరుతో కొత్తగా రాజకీయ పార్టీ ఏర్పాటుకు ప్రయత్నాలు జరుగుతున్న వేళ కీలక పరిణామం చోటుచేసుకుంది. తన భర్త పేరు మీద ఎటువంటి రాజకీయ పార్టీని ఏర్పాటుచేయడానికి అనుమతించవద్దని కోరుతూ వీరభద్ర సింగ్ భార్య ప్రతిభా సింగ్ ఈ మేరకు కేంద్ర ఎన్నికల సంఘానికి లేఖ రాశారు. కొత్త పార్టీ ఏర్పాటును తాము వ్యతిరేకించడం లేదని, తన భర్త పేరుపై మాత్రమే అభ్యంతరం తెలుపుతున్నట్టు పేర్కొన్నారు.