తన అమెరికా పర్యటనకు కేంద్రం అనుమతి ఇవ్వకపోవడంపై సీఎం రేవంత్ రెడ్డి తీవ్ర స్థాయిలో మండిపడ్డారు. తన పర్యటనను అడ్డుకున్నా.. తన లక్ష్యాన్ని మాత్రం అడ్డుకోలేరని తేల్చి చెప్పారు. బ్రిటన్ పర్యటనకు అనుమతి ఇచ్చి.. అమెరికాకు ఎందుకు అనుమతి ఇవ్వలేదని విమర్శించారు. గుజరాత్ సీఎంకు అనుమతిచ్చి.. తెలంగాణ సీఎంకు అనుమతి ఇవ్వరా అని ప్రశ్నించారు. ఇది స్పష్టంగా ప్రధాని మోదీ తెలంగాణపై చూపిస్తున్న వివక్ష అని తీవ్రంగా మండిపడ్డారు.
