Nani: రూ.150 కోట్ల క్లబ్‌లో ‘ది ప్యారడైజ్’.. నాని ‘మండే టెస్ట్’ పాస్ అవుతాడా?

నేచురల్ స్టార్ నాని, దర్శకుడు శ్రీకాంత్ ఓదెల కాంబినేషన్‌లో వచ్చిన తాజా చిత్రం ‘ది ప్యారడైజ్’ బాక్సాఫీస్ వద్ద తొలి వీకెండ్‌లో వసూళ్ల వర్షం కురిపించింది. డివైడ్ టాక్ ఉన్నప్పటికీ నాని స్టార్‌డమ్, అడ్వాన్స్ బుకింగ్స్‌తో మొదటి నాలుగు రోజుల్లోనే సునాయాసంగా రూ.150 కోట్ల గ్రాస్ మార్కును దాటేసింది. అయితే అసలైన పరీక్ష ఈ సోమవారం నుంచే మొదలుకానుంది. రూ.200 కోట్ల క్లబ్‌లో చేరాలంటే మరో రూ.50 కోట్లు రాబట్టాల్సి ఉంది. సినిమాకు ‘ఏ’ సర్టిఫికెట్ ఉండటం, అధిక టికెట్ ధరలు, వర్కింగ్ డేస్‌లో మందగించిన బుకింగ్స్ కలెక్షన్లపై ప్రభావం చూపేలా ఉన్నాయి.