ధర్నా చౌక్‌లలోనూ నిరసనలకు కాలపరిమితి ఉండాల్సిందే.. సుప్రీంకోర్టు సంచలన వ్యాఖ్యలు

సీఈసీ జ్ఞానేష్ కుమార్‌ రాజీనామా కోరుతూ ప్రతిపక్షాలు, కాక్రోచ్ జనతా పార్టీ చేపట్టిన నిరసనలతో దేశ రాజధాని ఢిల్లీలో వ్యాపారులు లబోదిబోమంటున్నారు. ఈ నేపథ్యంలో వర్తకుల సంఘం సుప్రీంకోర్టులో పిటిషన్ దాఖలు చేసింది. ఆందోళనల కారణంగా తమ వ్యాపారాలు దెబ్బతింటున్నాయని వాపోయారు. ఈ పిటిషన్‌పై విచారణ చేపట్టిన అత్యున్నత న్యాయస్థానం.. కీలక వ్యాఖ్యలు చేసింది. ధర్నా చౌక్‌లో నిరసనల పేరుతో ఏ ఒక్కరూ నిరంతరం ఆక్రమించుకోవడం కుదరదని సీజేఐ ధర్మాసనం తేల్చి చెప్పింది.