చదువు పూర్తికాకముందే నెలకు రూ.5 లక్షల జీతంతో ఉద్యోగం.. ఓటమిని విజయంగా మార్చుకున్న నిర్మల్ యువకుడు

నిర్మల్ జిల్లాకు చెందిన దూస చేతన్ అనే యువకుడు 21 ఏళ్ల వయసులోనే ఏడాదికి రూ.59 లక్షల ప్యాకేజీతో జొమాటో సంస్థలో సాఫ్ట్‌వేర్ డెవలప్‌మెంట్ ఇంజినీర్‌గా ఎంపికయ్యారు. ఇండోర్ ఐఐటీలో మ్యాథమెటికల్ కంప్యూటింగ్ చివరి సంవత్సరం చదువుతున్న చేతన్‌కు ప్రాంగణ నియామకాల్లో ఈ అవకాశం లభించింది. గతంలో జరిగిన నియామక ప్రక్రియలో నిరాశ ఎదురైనా కుంగిపోకుండా.. తన లోపాలను సరిదిద్దుకుంటూ ముందుకు సాగారు. పట్టుదలతో సాధించిన తాజా విజయం ఎందరో విద్యార్థులకు స్ఫూర్తినిస్తోంది.