ఉప్పల్‌లో భారత్-వెస్టిండీస్ టీ20 మ్యాచ్.. ఈ రూట్లలో ట్రాఫిక్ ఆంక్షలు, ప్రత్యామ్నాయ మార్గాలివే!

ఉప్పల్‌లో జరగనున్న భారత్-వెస్టిండీస్ నాలుగో టీ20 మ్యాచ్ దృష్ట్యా హైదరాబాద్‌లో పోలీసులు భద్రత, రవాణా నిర్వహణపై ప్రత్యేక దృష్టి పెట్టారు. వేలాది మంది అభిమానులు హాజరయ్యే అవకాశం ఉండటంతో స్టేడియం పరిసరాల్లో సీసీటీవీలు, డ్రోన్ల ద్వారా నిఘా ఏర్పాటు చేస్తున్నారు. వాహనాల పార్కింగ్ కోసం ప్రత్యేక ప్రాంతాలను గుర్తించారు. ఇక మ్యాచ్ సందర్భంగా హైదరాబాద్ నగరంలో పలు చోట్ల ట్రాఫిక్ ఆంక్షలు విధించారు. భారీ వాహనాలను ప్రత్యామ్నాయ మార్గాల్లోకి మళ్లించనున్నారు. మ్యాచ్‌కు వెళ్లేవారు ముందుగా ప్రయాణ ప్రణాళిక రూపొందించుకోవాలని, ప్రజా రవాణాను వినియోగించాలని అధికారులు సూచిస్తున్నారు.