ఐరాస వేదికగా పర్యావరణ పరిరక్షణపై భారత్, చైనాలకు నేపాల్ ప్రధాన మంత్రి కీలక విజ్ఞ‌ప్తి

గత నెలలో నేపాల్‌లో మంచుచరియలు విరిగిపడి… ఆకస్మిక వరదలు సంభవించాయి. ఈ విపత్తులో కొన్ని వందల మంది ప్రాణాలు కోల్పోగా.. వేలాది మంది ఆచూకీ గల్లంతయ్యారు. ప్రకృతి ప్రకోపానికి నేపాల్ చిగురుటాకులా వణికిపోయింది. అనేక పట్టణాలు, గ్రామాలు నామరూపాల్లేకుండా పోయాయి. ఈ నేపథ్యంలో పర్యావరణ పరిరక్షణకు ప్రత్యేక మెకానిజమ్ ఏర్పాటుచేయాలని కోరుతూ భారత్, చైనాలకు నేపాల్ ప్రధాన మంత్రి ఐరాస వేదికగా పిలుపు నిచ్చారు. ఈ సందర్భంగా ఆయన తమ దేశానికి జరిగిన నష్టాన్ని వివరించారు.