ఏపీ కేబినెట్‌లో కీలక నిర్ణయాలు .. నాలుగు కొత్త పోలీస్ కమిషనరేట్లు, అమరావతి అభివృద్ధికి భారీ నిధులు

సీఎం చంద్రబాబునాయుడు ఆధ్వర్యంలో జరిగిన ఏపీ కేబినెట్ మీటింగ్ ముగిసింది. ఈ సమావేశంలో రాష్ట్రానికి సంబంధించి కీలక నిర్ణయాలు తీసుకున్నారు. నాలుగు ప్రధాన సిటీల్లో కొత్తగా పోలీస్ కమిషనర్ ఆఫీసులను ఏర్పాటు చేయడానికి మంత్రివర్గం ఆమోదం తెలిపింది. ఈ మేరకు రాజమండ్రి, గుంటూరు, తిరుపతి, కర్నూలు కేంద్రాలుగా వీటిని ఏర్పాటు చేయనున్నారు. రాష్ట్ర రాజధాని అమరావతి అభివృద్ధి పనుల కోసం రూ.2800 కోట్లకుపైగా నిధుల కేటాయించేందుకు నిర్ణయం తీసుకున్నారు. కాగా ఈ మంత్రి వర్గ సమావేశానికి డిప్యూటీ సీఎం పవన్ కళ్యాణ్ కూడా హాజరయ్యారు.