బీసీ విద్యార్థులకు రూ.20 లక్షల స్కాలర్‌షిప్.. గడువు పొడిగింపు, ఈనెల 31 వరకు దరఖాస్తులు

విదేశాల్లో ఉన్నత విద్యను అభ్యసించాలనుకునే తెలంగాణ బీసీ, ఈబీసీ విద్యార్థులకు మహాత్మా జ్యోతిబా ఫూలే ఓవర్సీస్ విద్యానిధి పథకం ద్వారా మరో అవకాశం లభించింది. ఈ పథకానికి దరఖాస్తు చేసుకునే గడువును ఈనెలాఖరు వరకు పొడిగించారు. కుటుంబ వార్షిక ఆదాయం, వయోపరిమితి, డిగ్రీ మార్కులు, విదేశీ విద్యకు అవసరమైన ప్రవేశ పరీక్షలు, ఆంగ్ల భాషా పరీక్షల స్కోర్లు వంటి అర్హతలను అభ్యర్థులు పరిశీలించాలి. అర్హులైన విద్యార్థులు తెలంగాణ ఈ-పాస్ అధికారిక పోర్టల్ ద్వారా దరఖాస్తు చేసుకోవచ్చు. చివరి తేదీకి ముందే అవసరమైన పత్రాలను సిద్ధం చేసుకుని దరఖాస్తు ప్రక్రియను పూర్తి చేయడం మంచిది.