ఆంధ్రప్రదేశ్‌కు కేంద్రం శుభవార్త.. ఏపీ మీదుగా కొత్త రైల్వే లైన్ నిర్మాణానికి కేబినెట్ గ్రీన్ సిగ్నల్..

ఆంధ్రప్రదేశ్ రాష్ట్రానికి కేంద్ర ప్రభుత్వం మరో శుభవార్త వినిపించింది. ఆంధ్రప్రదేశ్ మీదుగా మరో రైల్వే ప్రాజెక్టు నిర్మాణానికి కేంద్ర కేబినెట్ గ్రీన్ సిగ్నల్ ఇచ్చింది. ఆంధ్రప్రదేశ్, తమిళనాడు, ఒడిశా, పశ్చిమ బెంగాల్ రాష్ట్రాల్లోని 8 జిల్లాల పరిధిలో 4 మల్టీట్రాకింగ్ ప్రాజెక్టుల నిర్మాణానికి కేంద్ర మంత్రివర్గం బుధవారం ఆమోదం తెలిపింది. ఈ ప్రాజెక్టుల ద్వారా భారతీయ రైల్వే నెట్‌వర్క్‌ను మరో 410 కిలోమీటర్ల మేర విస్తరించనున్నారు. ఈ నాలుగు మల్టీ ట్రాకింగ్ ప్రాజెక్టుల మొత్తం అంచనా వ్యయం రూ. 9,450 కోట్లు కాగా.. 2030-31 నాటికి పూర్తి చేయాలని లక్ష్యంగా పెట్టుకున్నారు.