విజయవాడ నిరసన ఎఫెక్ట్.. సచివాలయ ఉద్యోగుల ఆందోళనపై కూటమి సర్కార్ సీరియస్.. 46 మందికి షోకాజ్ నోటీసులు

విజయవాడలో నిరసన తెలియజేసిన సచివాలయ ఉద్యోగులపై కూటమి ప్రభుత్వం కీలక నిర్ణయం తీసుకుంది. ఆందోళన కార్యక్రమాల్లో పాల్గొని, తోటి ఉద్యోగులను ముందుండి నడిపించడంలో కీలక పాత్ర పోషించిన 46 మందిని పోలీస్ ఇంటెలిజెన్స్ వర్గాలు గుర్తించాయి. ఆ 46 మంది ఉద్యోగులకు నోటీసులు జారీ చేయనున్నారు. ఈ నిరసనలో పాల్గొన్న ఈ 46 మందిలో ఇప్పటికే ఒకరిద్దరిని అధికారులు సస్పెండ్ చేసినట్టు సమాచారం. ప్రభుత్వ తాజా నిర్ణయాలతో సచివాలయ ఉద్యోగ వర్గాల్లో తీవ్ర ఆసక్తి నెలకొంది.