బొగ్గు, నీళ్లు, స్థలం మనది.. రాజస్థాన్‌తో ఒప్పందం ఎందుకు.. రేవంత్ రెడ్డికి హరీష్ రావు సూటి ప్రశ్న?

సింగరేణి ఆధ్వర్యంలోని జైపూర్ థర్మల్ పవర్ ప్లాంట్ విస్తరణలో రాజస్థాన్‌కు విద్యుత్ కేటాయింపుపై మాజీ మంత్రి హరీశ్‌రావు తీవ్ర అభ్యంతరం వ్యక్తం చేశారు. ఈ మేరకు సీఎం రేవంత్‌రెడ్డికి బహిరంగ లేఖ రాసిన ఆయన.. తెలంగాణలోని బొగ్గు, నీరు, భూమి వనరులతో ఉత్పత్తయ్యే విద్యుత్‌లో 800 మెగావాట్లను రాజస్థాన్‌కు కేటాయించాల్సిన అవసరం ఏంటని ప్రశ్నించారు. సింగరేణి పెట్టుబడులను ఇతర రాష్ట్రాల ప్రయోజనాలకు మళ్లిస్తున్నారని ఆరోపించారు.