ఒక్క ట్వీట్‌తో మంట పెట్టిన అల్లు శిరీష్.. బన్నీని టార్గెట్ చేస్తూ యాంటీ ఫ్యాన్స్ భారీగా ట్రోలింగ్

హైదరాబాద్ షేక్‌పేట్ పరిధిలో అర్ధరాత్రి వేళల్లో మితిమీరిన శబ్దంతో డీజేలు, లౌడ్ స్పీకర్లు పెడుతున్నారంటూ నటుడు అల్లు శిరీష్ పోలీసులకు చేసిన ఫిర్యాదు తీవ్ర వివాదానికి దారితీసింది. ఇది భక్తికి వ్యతిరేకం కాదని, పౌర బాధ్యత (సివిక్ సెన్స్)కు సంబంధించిన విషయమని శిరీష్ వివరణ ఇవ్వగా, పోలీసులు ఆ మైకులను తొలగించారు. అయితే ఈ ట్వీట్‌ను అడ్డం పెట్టుకుని యాంటీ ఫ్యాన్స్ అల్లు అర్జున్‌పై తీవ్రస్థాయిలో ట్రోలింగ్‌కు దిగారు. కోకాపేటలోని ‘ఏఏఏ సినిమాస్’ వల్ల వచ్చే ట్రాఫిక్ జామ్‌లు, సంధ్య థియేటర్ వద్ద జరిగిన పాత ఘటనలను గుర్తుచేస్తూ బన్నీని టార్గెట్ చేయడంతో, అల్లు ఆర్మీ కూడా దీటుగా కౌంటర్లు ఇస్తూ ఫ్యాన్ వార్‌ను తీవ్రతరం చేసింది.