Motivational Quotes By Sanju Samson: ” ప్రపంచం ఓడిపోయావన్నా.. నువ్వు వెనకడుగు వేయొద్దు”, సంజూ శాంసన్ సక్సెస్ సీక్రెట్!

సంజూ తండ్రి శాంసన్ విశ్వనాథ్ ఢిల్లీ పోలీస్‌లో ఉండటంతో సంజూ బాల్యం ఢిల్లీలోనే గడిచింది. అయితే ఢిల్లీ అండర్-13 జట్టులో సంజూకు అవకాశం రాలేదు. దీంతో కొడుకు ప్రతిభను గుర్తించిన తండ్రి, తన ఉద్యోగాన్ని వదులుకుని కుటుంబంతో సహా కేరళలోని విళింజం (తిరువనంతపురం) ప్రాంతానికి వచ్చేశారు. కేరళలో క్రికెట్ మౌలిక వసతులు పరిమితంగా ఉన్న ఆ రోజుల్లోనే సంజూ స్థానిక కోచ్‌ల వద్ద రాటుదేలారు. 2015లో జింబాబ్వేపై అంతర్జాతీయ టీ20 అరంగేట్రం చేసిన సంజూ, ఆ తర్వాత జట్టులో తన నెక్స్ట్ మ్యాచ్ ఆడటానికి దాదాపు 5 ఏళ్లు (2020 వరకు) వేచి చూడాల్సి వచ్చింది.