“ఇరాన్‌కు ఏ దేశమూ సాయం చేయకూడదు”: ప్రధాని మోదీ, పెజెష్కియాన్ భేటీ తర్వాత మార్కో రూబియో హెచ్చరిక

భారత ప్రధాని నరేంద్ర మోదీ, ఇరాన్ అధ్యక్షుడు మసూద్ పెజెష్కియాన్ భేటీ అనంతరం అమెరికా విదేశాంగ మంత్రి మార్కో రూబియో సంచలన వ్యాఖ్యలు చేశారు. ప్రపంచంలో ఏ దేశమూ ఇరాన్‌పై ఉన్న ఆంక్షలను ధిక్కరించి ఆ దేశానికి ఆర్థిక రాబడి కలిగించేలా సాయపడకూడదని స్పష్టం చేశారు. నిబంధనలు ఉల్లంఘించి ఇరాన్‌కు ప్రత్యక్షంగా లేదా పరోక్షంగా సాయపడే ప్రయత్నం చేస్తే.. సదరు దేశాలు కూడా అమెరికా నుంచి తీవ్రమైన ద్వితీయ శ్రేణి ఆంక్షలను ఎదుర్కోవాల్సి ఉంటుందని ఆయన తీవ్రంగా హెచ్చరించారు.