సౌదీ అరేబియాలో ఉద్రిక్త పరిస్థితులు.. హౌతీల క్షిపణి దాడి, విమానాశ్రయం సమీపంలో భారీ మంటలు

మిడిల్ ఈస్ట్‌లో రోజురోజుకూ పరిస్థితులు దారుణంగా మారుతున్నాయి. హౌతీల దాడులతో ఇటు సౌదీ, అటు యెమన్ ప్రాంతాల్లో ప్రజలు భయంభయంగా గడుపుతున్నారు. తాజాగా సౌదీ రాజధాని రియాద్‌లోని కింగ్ ఖలీద్ అంతర్జాతీయ విమానాశ్రయం సమీపంలో భారీ మంటలు చెలరేగాయి. హౌతీలు బాలిస్టిక్ క్షిపణితో దాడి చేయగా.. ఆ దాడిని తిప్పికొట్టినట్లు సౌదీ సంకీర్ణ దళాలు వెల్లడించాయి. అయితే, పరిస్థితులు ఉద్రిక్తంగా మారుతున్నాయంటూ సౌదీలోని తమ రాయబార కార్యాలయానికి అమెరికా హెచ్చరికలు జారీ చేసింది.