అమెరికాలో భారత సంతతి వ్యక్తికి బిగ్ షాక్.. రేప్ కేసు దాచిపెట్టినందుకు 15 ఏళ్ల తర్వాత పౌరసత్వం రద్దు

అమెరికాలో తీవ్ర నేరచరిత్రను దాచిపెట్టి పౌరసత్వం పొందిన భారత సంతతికి చెందిన వ్యక్తికి ఫెడరల్ కోర్టు తీవ్ర షాక్ ఇచ్చింది. న్యూయార్క్‌లో ట్యాక్సీ డ్రైవర్‌గా పనిచేస్తూ.. మహిళా ప్రయాణికురాలిని కత్తితో బెదిరించి లైంగిక దాడికి పాల్పడిన కేసులో 20 ఏళ్ల జైలు శిక్ష అనుభవిస్తున్న గుర్‌మీత్ సింగ్ అమెరికా పౌరసత్వాన్ని రద్దు చేస్తూ న్యాయస్థానం ఆదేశాలు జారీ చేసింది. మోసపూరితంగా పొందిన పౌరసత్వం నేరస్థులను కాపాడలేదని అమెరికా జస్టిస్ డిపార్ట్‌మెంట్ స్పష్టం చేసింది.